Cylchlythyr Calon y Gymuned Aberporth Ionawr - Mawrth 2025
Croeso i'n cylchlythyr chwarterol newydd sbon, sy'n edrych yn ôl ac ymlaen gyda erthyglau a gwybodaeth i'ch helpu chi i gael y mwya allan o'n pentref hyfyd.
Rheolir Neuadd Bentref Aber-porth a Chanolfan y Dyffryn gan ymddiriedolwyr. Os oes gennych ddiddordeb mewn cymryd rhan yn ein cymuned lleol, cysylltwch â ni. Mae yna groeso hefyd i ymddiriedolwyr newydd i ymuno â phwyllgor Neuadd y Pentref.
Cyfarfod â'r ymddiriedolwyr – nodwedd newydd rheolaidd
Sue Lewis – yn gyfrifol am ein cynigion grant dros y 5 mlynedd diwethaf, hefyd yn gynghorydd y gymuned, yn llywodraethwr ysgol ac yn gadeirydd yr elusen anghenion arbennig “Ffrindiau Canolfan y Don”. Hi hefyd yw swydddog diogelwch y Neuadd. Mae Sue yn gyffrous am y neuadd newydd a'r tîm gwirfoddoli anhygoel.
Beryl Green – Ymddeolodd Beryl fel nyrs a bydwraig ac fe symudodd i fyw i Aberporth yn 2004. Mae Beryl yn gwirfoddoli yng ngardd y gymuned, yn rhedeg grŵp i ddysgwyr o'r enw “Paned a Sgwrs”, ac yn rhoi llawer o'i amser i helpu a chefnogi pob digwyddiad sy yn y neuadd ac yng nghanolfan y Dyffryn. Mae hi hefyd yn warden Eglwys St Cynwyl ac yn aelod o Ferched y Wawr.
Cymdeithas Hanes Aber-porth
Cyfarfodydd misol poblogaidd ar yr ail ddydd Mercher o bob mis am 7 o'r gloch. Trafodir amrywiaeth o bynciau gyda ffocws leol. Yn ddiweddar, trafodwyd coed cas gan fwnci ac yn fuan fydd yna areithiau ar hanes tai y plwyf, ar hen ddyddiaduron trigolion y pentref ac ar dafarnau Aberporth, Cysylltwch â Max Thom ar 07766122669
Y Gaeaf yn Aber-porth yn 1962 gan Joanna Jeffery
Fy atgof mwya cofiadwy ydy'r diwrnod pan naeth eira ddechrau disgyn yn 1962. Roeddwn i'n 7 mlwydd oed, roedd hi cyn Nadolig ag fe aethon i'r ysgol yn Aberporth fel arfer ond ar y diwrnod hwnnw daeth Mam a Nhad i'n nôl ni o'r ysgol yn gynnar. Wrth gât y fferm, dwy filltir a hanner i ffwrdd o'r ysgol, roedd lluwchfeydd eira yn ffurfio yn gyflym ac oherwydd hynny fe wnaeth Mam gymryd drosodd y gyrru tra bo’ Nhad yn cloddio trwy'r eira fel ein bod gallu mynd lawr y lôn. Fe wnaeth y lluwchfeydd ein amgylchynu, yn sydyn doedd pethau ddim mor gyffrous a dechreuodd pethau deimlo'n ddifrifol dros ben.
Mae gennyf atgofion arall o'r gaeaf hynny. Roedd yr eira yn llenwi'r ffyrdd cyfagos hyd at dop y cloddiau; roedd hi'n hynod o oer; roedd rhaid i'n rhieni odro mewn golau lamp; cerddodd Mam ar hyd y caeau i nôl bara o Dre-saith a roedden ni bant o'r ysgol am dros 6 wythnos!!!
Persbectif Gwirfoddolwr Newydd gan Lesley Earp
Roeddwn i'n eistedd yn Neuadd y Pentref Aberporth mewn cyfarfod gwirfoddolwyr pan sylweddolais pa mor lwcus oeddwn i symud i Aber-porth. Pan symudais i fyw yma blwyddyn yn ôl roeddwn yn ymwybodol bod y pentref a'i leoliad yn fendigedig ond doeddwn heb sylweddoli pa mor gyfeillgar a charedig oedd trigolion y pentref.
Wedi ymuno â'r grwp cerdded ar ddydd Mercher fe gwrddais â rhai o wirfoddolwyr y ddwy neuadd. Fe wnaeth Pam a Christine fy annog i archwilio'r cyfleoedd gwirfoddoli. Yn y pen draw fe ymunais â'r gwirfoddolwyr a dw i'n hapus i rhannu fy nghariad at arddio gyda Beryl, Christine a Brian sy wedi bod yn hynod o groesawgar. Dw i wedi cael gymaint o foddhad a mwynhad wrth weld y planhigion a'r llysiau yn tyfu a thrwy hyn dw i wedi cyfarfod â nifer fawr o'r pentrefwyr, pob un ohonynt yn gyfeillgar a chroesawgar tuag at y newydd ddyfodiad.
Mae bod yn wirfoddolwr yn hyblyg a does dim rhaid ymroi i'r un bore a prynhawn neu'r un weithgaredd bob wythnos ond gallwch ddewis gwneud yr hyn a ddymunwch. Mae yna gyfleoedd i bawb, beth bynnag yw'ch diddordeb. Mae pawb gyda bywydau eu hunain sy ar brydiau yn gallu cymryd drosodd – ond does dim pwysau, gallwch wneud gymaint neu cyn lleied ag yr hoffech.
Digwyddiadau'r Hydref
Marchnad y Gwneuthurwyr – 35+ o stondinau, cefnogwyd yn dda a chodwyd dros £1300 i'r gymuned. Defnyddwydd peth o'r arian yma i brynu offer newydd i'r gegin – Poptŷ gwynt, cymysgydd bwyd, blendiwr a thuniau cacennau (ar gyfer Adam!) Arianwyd anrhegion Santa i'r plant yn rhannol gan y digwyddiad yma.
Weloch chi ni ar S4C?
Cinio Nadolig – Mwynheuodd 70 o bensiynwyr lleol ginio Nadolig ac adloniant yn neuadd y pentref newydd
Ffair Nadolig – digwyddiad arall a fynychwyd yn dda gyda stondinau a ddarparwyd gan grwpiau lleol fel yr eglwys a'r WI. Roedd yna raffl arall llwyddiannus a daeth Santa. Codwyd dros £900
Storom Darragh – Am storom enfawr!!. Tynnodd y gymuned at ei gilydd tra roedd rhai ohonom heb drydan, heb rhyngrwyd , dŵr, na gwres. Fe droiodd neuadd y pentref mewn i hwb cynnes. Gwerthfawrogwyd caredigrwydd a chefnogaeth ein cymdogion a'r gwirfoddolwyr ac am ddefnydd neuadd y pentref. Diolch i bawb wnaeth helpu dros y cyfnod hynny. 😊
Digwyddiadau 2025
Marchnad Fwyd Dydd Sul Misol – 16 Chwefror ymlaen
Cwis y Pentre – Nos Wener 14eg Mawth am 7.00 yh
Marchnad y Gwneuthurwyr – 4ydd Mai
Digwyddiadau Wythnosol Rheolaidd
Gwiriwch y posteri yn Neuadd y Pentref ac yng Nghanolofan y Dyffryn am gynlluniau'r wythnos
Grwp Garddio
Mae'r tîm garddio yn tyfu blodau, salad, llysiau a pherlysiau yn yr ardd tu ôl i Ganolfon y Dyffryn Croeso i bawb. Edrychwch am ein stondin yn Marchnad y Gwneuthurwyr ym mis Mai.
Dillad Dwywaith ar gael bod dydd Mawth rhwng 10 tan 12 yb yng Nghanolfan y Dyffryn Mae'r tîm yn gweithio'n galed i drefnu'r dillad fel ei bod yn haws i chwilota. Dewch draw am sgwrs yn Gymraeg neu yn Saeseneg i'r bore coffi ac edrychwch drwy'r llyfrau ar yr un pryd. .
Digi Club (Bore dydd Llun a bore dydd Mercher am 11.00 yb) yn rhedeg yn llwyddiannus ac yn arddangos yr angen i gymunedau arall i ddilyn. Technoleg i bawb!
Fare Share – Arbed bwyd rhag Claddfeydd Sbwriel
Rydyn yn treialu cyflenwad bwyd gwahanol am y tri mis nesa oddi wrth FareShare a Skanda Vale
Fare Share https://fareshare.cymru/
Skanda Vale https://www.skandavale.org/
Fare Share – dechreuodd ar ddydd Llun y 13eg Ionawr.
Byddwn ar agor yn yr Ystafell Gwrdd a Chyfarch yn Neuadd Y Pentref bob nos Lun rhwng 5 a 7 o'r gloch yh
Dewch i nôl bwyd i chi a'ch teulu a'ch cymdogion. Basai unrhyw rhodd ariannol gallwch fforddio yn gymorth i gadw'r project i fynd.
Golygwyd gan Penny Catt a Barbara. Harper I gyflwyno erthygl 100 gair cysylltwch â barbaraharper1234@gmail.com
Cyfieithwyd gan Eirian Rees
Rhif Elusen: 1199729